/p. 47/ corpore magis calido. I. C. – Ratio non ignota
mihi, quia rostrum ex rara admodum cartilagine
cum sit, suapte natura non diu servat calorem,
quamobrem, quandiu ex ventre per os
exit calor ad oris et capitis extrema, rostellum
calet. Exit autem calor ille, dum assatur, excoquendo
humidum, ubi, assatione peracta, cessavit
vaporis ille commeatus, non amplius calefit
rostrum, sed porro facile ratione ipsa ventilatur.
Alex. – Perdocte quidem. I. C. – Sed, quaeso,
de foco ad aërem progrediamur. Imo potius de
aëre eliso et attenuato, ex quo fit ignis, qui aër
accensus est, quia parum disputando incaluimus,
ad aërem frigidum refrigerationis ergo
accedamus. Alex. – Quinimo, recreandi animi
causa, loquamur de comete et iride. I. C. –
Ut placet.
DIALOGUS IX.
De comete et iride.
Alex. –
Quandoquidem ita tibi videtur,
naturam et causas caudati istius
crinitique spectaculi disquiramus.
Et primo quidnam sit cometes.
I. C. – Hieronymus Cardanus[9]
affirmat esse fixum in coelo sidus. Alex. –
Non hanc laudo sententiam. I. C. – Nec ego. Ratio